80 гаруй физик серверийг 5 HCI нод руу шилжүүлэв
Нүүрстөрөгчийн ялгарлыг 81.25% бууруулах үр нөлөө

Самюк их сургууль серверийн виртуалчлалын байгууламжийг амжилттай дуусгалаа.

Самюк их сургууль нь их сургуулийн инновацийг дэмжих төслийн нэг хэсэг болгон өнгөрсөн оны 11-р сараас энэ оны 5-р сар хүртэл 6 сарын хугацаанд ‘серверийн виртуалчлалын байгууламжийн төсөл’-ийг хэрэгжүүлсэн.

Сүүлийн хэдэн жилд кампус доторх IT үйлчилгээ огцом нэмэгдэхийн хэрээр серверийн тоо өсөж, илүү төвөгтэй, олон төрөл болж, хязгаарлагдмал хүний нөөцөөр удирдан зохион байгуулахад хүндрэлтэй болсон. Серверүүд хуучирснаас үүдэн байнга гардаг системийн доголдол ч асуудал болж тавигдсан.

Үүний дагуу Самюк их сургууль сүүлийн 6 сарын хугацаанд 80 гаруй физик серверийг 5 ширхэг HCI төхөөрөмж дээр виртуал хэлбэрээр байгуулах төслийг хэрэгжүүлсэн. Серверийн виртуалчлал нь 1 физик серверийг олон виртуал сервер болгон хуваан ашиглах технологи юм. Серверийн орчныг физик серверээр бус програм хангамжаар (виртуалчлал) хэрэгжүүлснээр яг бодит сервер дээрээс үйлчилгээ үзүүлж буй мэт үр нөлөөг авах боломжтой.

Ингэснээр Самюк их сургууль нэгдсэн мэдээллийн систем(SU-WINGs), LMS(онлайн сургалтын платформ), вэбмэйл ба групп웨어, IR мэдээллийн систем, мобайл мессенжер ‘수톡(SU-TALK)’, номын сангийн үйл ажиллагааны систем зэрэг их сургуулийн олон төрлийн мэдээлэл-цахим системийг виртуалчлалд суурилан ажиллуулах боломжтой боллоо.

Серверийн доголдол буурахаас гадна, доголдол гарсан үед хурдан сэргээх боломжтой боллоо. Серверийн удирдлагад шаардагддаг хүний нөөц, зардлыг ч хэмнэх боломж бүрдэв. Шаардлагын дагуу виртуал сервер нэмэх эсвэл устгах нь хялбар тул хиймэл оюун ухаан, клауд зэрэг эрчимтэй өөрчлөгдөж буй IT технологийн орчинд ч түргэн хариу үйлдэл үзүүлэх боломжтой.

Нүүрстөрөгчийн ялгарлыг бууруулах үр нөлөө ч хүлээгдэж байна. Өмнө нь 80 гаруй физик серверийг ажиллуулж байх үед жилийн нүүрстөрөгчийн ялгарлын хэмжээ 262,800㎏ CO2e(нүүрстөрөгчийн давхар ислийн эквивалент) хүрч байсан бол, 5 HCI нод руу шилжүүлснээр 49,275㎏ CO2e болж буурах төлөвтэй байна. Энэ нь бүр 81.25% буурсан үзүүлэлт юм.

Самюк их сургуулийн Эрдэм шинжилгээний мэдээллийн хүрээлэнгийн захирал И Ванхи “Цаашид тасралтгүй мониторинг, сайжруулалтаар серверийг тогтвортой ажиллуулна. Ирээдүйд чиглэсэн IT орчныг бүрдүүлэн хөгжүүлэхэд бүх хүчээ дайчилна” гэж мэдэгдэв.

중앙일보 https://www.joongang.co.kr/article/25255880
한겨레 https://www.hani.co.kr/arti/economy/biznews/1144557.html
머니투데이 https://news.mt.co.kr/mtview.php?no=2024061310171257606
파이낸셜뉴스 https://www.fnnews.com/news/202406121337009577
전자신문 https://www.etnews.com/20240612000255
한국대학신문 https://news.unn.net/news/articleView.html?idxno=564513
베리타스알파 https://www.veritas-a.com/news/articleView.html?idxno=508617
교수신문 http://www.kyosu.net/news/articleView.html?idxno=120900
대학저널 https://dhnews.co.kr/news/view/1065581055846361
위드인뉴스 http://withinnews.co.kr/news/view.html?section=1&category=155&no=33585
포인트데일리 https://www.pointdaily.co.kr/news/articleView.html?idxno=205730
Popcorn News https://www.popcornnews.net/news/articleView.html?idxno=61681
스마트경제 https://www.dailysmart.co.kr/news/articleView.html?idxno=88576